-Որպեսզի սկսենք սաղմիկի հետ աշխատանքը, անհրաժեշտ է այն լաբորատոր պայմաններում ստանալ և ենթարկել մանիպուլյացիաների: Նմանատիպ սաղմիկներ կարելի  ստանալ միայն և միայն արտամարմնային բեղմնավորման լաբորատորիաներում, որտեղ սաղմիկի ստացումից հետո պետք է այն միկրոմանիպուլյացիայի ենթարկել: Այս գործողությունը կոչվում է սաղմիկի բիոպսիա: Փոքրիկ սաղմիկից մեկ բջիջ վերցնելով, հատուկ լազերային տեխնիկայի կիրառմամբ և միայն սաղմնաբանների միջամտությամբ` հնարավոր է ստանալ ցանկալի արդյունքը: Առաջին փուլով մենք ստանում ենք սաղմիկի մեկ բջիջ և մինչև 5 օրական բջիջը լազերային տեխնոլոգիայով բիոպսիայի ենք ենթարկում:

Այս գործընթացը բարդ է, բայց պակաս բարդ չէ նաև սաղմիկը ֆիքսելը: Ֆիքսելուց հետո միայն այն հնարավոր է ուղարկել աշխարհում բացառիկ կենտրոններ, որտեղից էլ 2-3 շաբաթ անց կարող ենք պատասխան ստանալ: Շատ կարևոր է այս աշխատանքը վստահել համապատասխան գիտելիքներ և փորձ ունեցող մասնագետներին: Կոնկրետ մեր սաղմնաբանները վերապատրաստվել են Ռուսաստանում և Անգլիայում, հենց այս պահին կենտրոնում աշխատում է նաև մեր անգլիացի գործընկերներից մեկը, ով զբաղվում է լազերային բիոպսիայով: Այս մեթոդի կիրառմամբ մենք առաջինն են Հայաստանում և միակը, համագործակցում ենք աշխարհի տարբեր կենտրոնների հետ, ինչպես նաև մեր Գենետիկայի կենտորնի հետ: Հույս ունենք, որ նոր մեթոդի ներդրումը հնարավորություն կտա կանխել նախկինում բարդ թվացող խնդիրներն ու երջանկացնել նոր զույգերի: